ᠨᠣᠮᠣᠨ ᠬᠠᠨ ᠪᠠᠶᠢᠯᠳᠤᠭᠠᠨ ᠤ ᠬᠠᠭᠤᠴᠢᠨ ᠪᠠᠭᠤᠷᠢ ᠨᠢ ᠬᠥᠯᠥᠨ ᠪᠣᠶᠢᠷ ᠬᠣᠲᠠ  ᠶ᠋ᠢᠨ ᠰᠢᠨ᠎ᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤ ᠶ᠋ᠢᠨ ᠵᠡᠭᠦᠨ ᠡᠮᠦᠨᠡᠲᠦ ᠬᠡᠰᠡᠭ  ᠤᠨ ᠬᠠᠨᠳᠠᠭᠠᠶ ᠂ ᠵᠠᠩᠵᠤᠨ ᠤ ᠰᠦᠮ᠎ᠡ ᠂ ᠠᠮᠤᠭᠤᠯᠠᠩ ᠤᠨ ᠨᠢᠭᠡ ᠱᠤᠭᠤᠮ ᠳᠡᠭᠡᠷ᠎ᠡ ᠪᠠᠶᠢᠷᠢᠯᠡᠵᠦ᠂ ᠡᠭᠦᠨ  ᠳ᠋ᠤ ᠮᠣᠩᠭᠣᠯ ᠤᠯᠤᠰ  ᠤᠨ ᠬᠠᠯᠬ᠎ᠠ ᠭᠣᠣᠯ ᠳᠠᠭᠠᠤ ᠣᠷᠣᠨ  ᠴᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ ᠃ ᠲᠡᠭᠦᠨ  ᠤ ᠳᠠᠶᠢᠨ ᠤ ᠭᠣᠣᠯ ᠲᠦᠪ ᠨᠢ ᠤᠳᠤ ᠶ᠋ᠢᠨ ᠨᠣᠮᠣᠨ ᠬᠠᠨ ᠪᠦᠷᠢᠳᠦ ᠰᠤᠮᠤ ᠪᠤᠯᠬᠤ ᠶᠤᠮ ᠃ 1939 ᠣᠨ  ᠳ᠋ᠤ᠂ ᠲᠤᠰ ᠭᠠᠵᠠᠷ ᠣᠷᠣᠨ ᠳ᠋ᠤ ᠶᠠᠫᠣᠨ  ᠂ ᠬᠠᠭᠤᠷᠮᠠᠭ ᠮᠠᠨᠵᠤ  ᠤᠯᠤᠰ ᠤᠨ ᠵᠦᠪᠯᠡᠯᠲᠦ ᠬᠤᠯᠪᠤᠭᠠᠲᠤ ᠤᠯᠤᠰ ᠲᠤ ᠶᠠᠪᠤᠭᠤᠯᠤᠭᠰᠠᠨ ᠨᠢᠭᠡᠨ ᠤᠳᠠᠭᠠᠨ ᠤ ᠶᠡᠬᠡ ᠬᠡᠪᠴᠢᠶᠡᠨ ᠦ ᠴᠡᠷᠢᠭ  ᠤᠨ ᠮᠥᠷᠭᠥᠯᠳᠦᠭᠡᠨ ᠭᠠᠷᠴᠤ ᠦᠩᠭᠡᠷᠡᠭᠰᠡᠨ ᠪᠢᠯᠡ ᠃ ᠳᠠᠶᠢᠨ ᠤ ᠳᠤᠮᠳᠠ ᠂ ᠬᠣᠶᠠᠷ ᠡᠲᠡᠭᠡᠳ  ᠢᠶᠠᠷ  ᠢᠶᠡᠨ 20 ᠲᠦᠮᠡᠨ ᠴᠡᠷᠢᠭ᠂ 900 ᠨᠢᠰᠭᠡᠯ ᠂ ᠲᠠᠩᠺ  ᠬᠤᠶᠠᠭᠲᠤ ᠲᠡᠷᠭᠡ ᠨᠢ ᠮᠢᠩᠭ᠎ᠠ ᠭᠠᠷᠤᠶ ᠲᠡᠷᠭᠡ ᠤᠷᠤᠭᠤᠯᠵᠤ ᠂ 135 ᠡᠳᠦᠷ ᠤᠨ ᠬᠤᠭᠤᠴᠠᠭᠠᠨ ᠳ᠋ᠤ 6 ᠲᠦᠮᠡᠨ ᠬᠥᠮᠦᠨ ᠦᠬᠦᠵᠦ ᠰᠢᠷᠬᠠᠳᠤᠭᠰᠠᠨ ᠪᠦᠭᠡᠳ ᠡᠴᠦᠰ ᠲᠡᠬᠡᠨ ᠶᠠᠫᠣᠨ ᠴᠡᠷᠢᠭ ᠤᠨ ᠬᠠᠷᠠᠰᠠᠯᠲᠤ ᠢᠯᠠᠭᠳᠠᠯ ᠢᠶᠠᠷ ᠡᠴᠦᠰᠯᠡᠭᠰᠡᠨ ᠶᠤᠮ ᠃ ᠳᠠᠶᠢᠨ  ᠤ ᠳᠠᠷᠠᠭ᠎ᠠ ᠂ ᠨᠣᠮᠣᠨ ᠬᠠᠨ ᠪᠦᠷᠢᠳᠦ ᠪᠠᠷ ᠭᠣᠣᠯᠳᠠᠯᠭ᠎ᠠ ᠪᠤᠯᠭᠠᠭᠰᠠᠨ ᠬᠣᠶᠠᠷ ᠲᠡᠶᠢᠰᠢ ᠪᠡᠨ ᠪᠠᠷᠤᠭ 40 ᠺᠢᠯᠣᠮᠧᠲ᠋ᠷ ᠰᠤᠨᠤᠭᠰᠠᠨ ᠳᠠᠶᠢᠨ ᠤ ᠹᠷᠣᠨᠲ᠋ ᠳᠣᠲᠣᠷ᠎ᠠ ᠂ ᠪᠠᠷᠤᠭ ᠭᠠᠵᠠᠷ ᠪᠣᠯᠭᠠᠨ  ᠡᠴᠠ ᠳᠠᠶᠢᠨ ᠤ ᠦᠯᠡᠳᠡᠭᠳᠡᠯ ᠫᠤᠤ ᠵᠡᠪᠰᠡᠭ ᠂ ᠰᠤᠮᠤ ᠲᠠᠷᠢ ᠵᠡᠷᠭᠡ ᠵᠡᠷ ᠵᠡᠪᠰᠡᠭ ᠪᠤᠶᠤ ᠠᠮᠢᠳᠤᠷᠠᠯ  ᠤᠨ ᠬᠡᠷᠡᠭᠰᠡᠯ ᠢ ᠴᠤᠭᠯᠠᠭᠤᠯᠵᠤ ᠳᠡᠶᠢᠯᠬᠦ ᠶᠤᠮ᠃ 1990 ᠤᠨ ᠤ 1 ᠰᠠᠷ᠎ᠠ ᠶ᠋ᠢᠨ 12 ᠤ ᠡᠳᠦᠷ ᠂ ᠰᠢᠨ᠎ᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤ ᠶ᠋ᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠡᠴᠠ ᠲᠤᠰ ᠬᠠᠭᠤᠴᠢᠨ ᠪᠠᠭᠤᠷᠢ ᠶ᠋ᠢ  ᠬᠤᠰᠢᠭᠤᠨ ᠳᠡᠰ ᠦᠨ ᠭᠣᠣᠯᠳᠠᠯᠭ᠎ᠠ ᠲᠠᠶ ᠲᠡᠦᠬᠡ ᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯ  ᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ ᠪᠤᠯᠭᠠᠬᠤ ᠪᠠᠷ ᠲᠤᠭᠲᠠᠭᠰᠠᠨ ᠪᠥᠭᠡᠳ ᠨᠣᠮᠣᠨ ᠬᠠᠨ ᠪᠦᠷᠢᠳᠦ ᠰᠤᠮᠤᠨ ᠳ᠋ᠤ《 ᠨᠣᠮᠣᠨ ᠬᠠᠨ  ᠪᠠᠶᠢᠯᠳᠤᠭᠠᠨ》 ᠦᠯᠡᠳᠡᠭᠳᠡᠯ  ᠵᠦᠢᠯᠡᠰ ᠦᠨ ᠳᠡᠯᠭᠡᠨ ᠦᠵᠡᠭᠦᠯᠦᠯᠭᠡ  ᠶ᠋ᠢᠨ ᠭᠡᠷ ᠭᠠᠷᠭᠠᠭᠰᠠᠨ ᠪᠠᠶᠢᠨ᠎ᠠ ᠃