ᠭᠠᠳᠠ ᠮᠡᠢᠢᠷᠡᠨ
ᠭᠠᠳᠠ ᠮᠡᠢᠢᠷᠡᠨ （1892 ︱1931 ) ᠂ ᠮᠣᠩᠭᠣᠯ ᠨᠡᠷᠡ ᠨᠢ ᠨᠠᠳᠮᠠᠳ᠂ ᠥᠭᠡᠷᠡ ᠨᠡᠷᠡ ᠨᠢ ᠶᠸᠰᠢ ᠂ ᠬᠢᠲᠠᠳ ᠨᠡᠷᠡ ᠨᠢ ᠮᠸᠡᠭ ᠴᠢᠩ ᠱᠠᠨ ᠂ 1892 ᠣᠨ （ ᠴᠢᠩ ᠤᠯᠤᠰ ᠤᠨ ᠪᠠᠳᠠᠷᠠᠭᠤᠯᠲᠤ ᠲᠦᠷᠦ ᠶ᠋ᠢᠨ ᠠᠷᠪᠠᠨ ᠨᠠᠶᠮᠠᠨ ᠤᠨ） ᠳ᠋ᠤ ᠳᠠᠷᠬᠠᠨ ᠬᠣᠰᠢᠭᠤ （ ᠣᠳᠣ ᠶ᠋ᠢᠨ ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤ ） ᠲᠠᠪᠤᠨ ᠵᠡᠯᠡᠠ ᠦ ᠮᠠᠨᠳᠤᠷᠠᠬᠤ ᠲᠣᠰᠬᠣᠨ ᠤ ᠨᠢᠭᠡᠨ ᠲᠠᠷᠢᠶᠠᠴᠢᠨ ᠤ ᠭᠡᠷ ᠲᠦ ᠲᠦᠷᠦᠵᠡᠢ ᠃ ᠲᠡᠷᠡ ᠠᠬᠠ ᠳᠡᠭᠦᠦ ᠳᠦᠷᠪᠡ ᠶ᠋ᠢᠨ ᠢᠶ᠋ᠡᠨ ᠳᠣᠲᠣᠷᠠᠬᠢ ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠤᠴᠢᠷ ᠡᠴᠠ ᠬᠥᠮᠦᠰ ᠲᠡᠭᠦᠨ ᠢ 《 ᠭᠠᠳᠠ 》 ᠭᠡᠵᠦ ᠳᠠᠭᠤᠳᠠᠳᠠᠭ ᠶᠤᠮ ᠃ ᠬᠤᠰᠢᠭᠤᠨ ᠤ ᠬᠠᠶᠢᠭᠤᠯ ᠠᠨᠭᠬᠢ ᠶ᠋ᠢᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠮᠠᠶᠢᠸ᠋ᠷᠠᠨ ᠪᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠂ ᠬᠥᠮᠦᠰ ᠲᠡᠭᠦᠨ ᠢ《 ᠭᠠᠳᠠ ᠮᠡᠢᠢᠷᠡᠨ 》 ᠭᠡᠵᠦ ᠳᠠᠭᠤᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ ᠃
ᠭᠠᠳᠠ ᠪᠠᠭᠠ ᠶ᠋ᠢᠨ ᠦᠢᠡ ᠳ᠋ᠡᠬᠡᠨ ᠳᠠᠷᠬᠠᠨ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠤᠷᠳᠤᠨ ᠳ᠋ᠤ ᠪᠢᠴᠢᠭᠡᠴᠢ ᠶ᠋ᠢᠨ ᠭᠡᠷ ᠲᠦ ᠠᠯᠪᠠ ᠬᠠᠭᠠᠵᠤ ᠂ ᠬᠣᠵᠢᠮ ᠨᠢ ᠬᠤᠰᠢᠭᠤᠨ ᠤ ᠰᠢᠳᠠᠷ ᠴᠡᠷᠢᠭ ᠲᠦ ᠤᠷᠤᠭᠰᠠᠨ ᠶᠤᠮ ᠃ ᠲᠡᠷᠡ ᠥᠪᠡᠷ ᠢᠶᠡᠨ ᠰᠤᠶᠤᠯ ᠮᠡᠳᠡᠯᠭᠡ ᠰᠤᠷᠤᠯᠴᠠᠨ ᠡᠵᠡᠮᠰᠢᠵᠦ ᠂ ᠮᠣᠩᠭᠣᠯ ᠬᠢᠲᠠᠳ ᠬᠡᠯᠡᠨ ᠳ᠋ᠦ ᠨᠡᠪᠲᠡᠷᠡᠨ ᠂ 1917 ᠣᠨ ᠳ᠋ᠦ ᠵᠡᠯᠡᠠ ᠪᠤᠯᠤᠨ ᠵᠡᠷᠭᠡ ᠳᠡᠪᠰᠢᠵᠦ ᠃ 1925 ᠣᠨ ᠳ᠋ᠤ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠮᠡᠶᠢᠷᠡᠨ ᠪᠤᠯᠵᠤ ᠵᠡᠷᠭᠡ ᠳᠠᠪᠰᠢᠭᠰᠠᠨ ᠪᠠᠶᠢᠨᠠ᠃
ᠭᠠᠳᠠ ᠮᠡᠢᠢᠷᠡᠨ ᠴᠡᠷᠢᠭ ᠵᠠᠬᠢᠷᠬᠤ ᠳ᠋ᠠᠭᠠᠨ ᠭᠠᠷᠮᠠᠭᠠᠶ ᠂ ᠴᠡᠷᠢᠭ ᠤᠨ ᠴᠠᠭᠠᠵᠠ ᠬᠠᠲᠠᠭᠤ ᠃ 1926 ᠣᠨ ᠤ ᠡᠪᠦᠯ ᠂ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠡᠪᠦᠯ ᠦᠨ ᠬᠤᠪᠴᠠᠰᠤ ᠰᠣᠯᠢᠬᠤ ᠦᠶᠡ ᠳ᠋ᠤ ᠂ ᠬᠠᠮᠢᠶᠠᠷᠤᠭᠴᠢ ᠪᠣᠯᠤᠨ ᠬᠡᠳᠦᠨ ᠵᠢᠵᠢᠭ ᠲᠦᠷᠦᠭᠦᠦ ᠨᠢ ᠠᠯᠪᠠᠨ ᠤ ᠵᠣᠭᠣᠰ ᠢᠶᠠᠷ ᠬᠥᠮᠦᠨ ᠪᠦᠷᠢ ᠳ᠋ᠤ ᠨᠢᠭᠡ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠪᠴᠠᠰᠤ ᠬᠢᠯᠭᠡᠬᠦ ᠭᠡᠵᠦ ᠤᠷᠤᠯᠳᠤᠵᠤ ᠪᠠᠶᠢᠬᠤ ᠦᠶᠡ ᠳ᠋ᠦ ᠂ ᠭᠠᠳᠠ ᠮᠡᠢᠢᠷᠡᠨ ᠣᠯᠵᠤ ᠮᠡᠳᠡᠭᠡᠳ ᠂ ᠲᠡᠷᠡ ᠳᠠᠷᠤᠶ ᠳ᠋ᠤ ᠨᠢᠬᠣᠷᠢᠭᠯᠠᠨ ᠵᠤᠭᠰᠤᠭᠠᠭᠰᠠᠨ ᠪᠠᠶᠢᠳᠠᠭ ᠃ ᠲᠡᠳᠡ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠳ᠋ᠤ ᠵᠣᠭᠣᠰ ᠨᠠᠭᠠᠳᠬᠤ ᠳ᠋ᠤ ᠮᠦᠨ ᠭᠠᠳᠠ ᠮᠡᠢᠢᠷᠡᠨ ᠬᠣᠷᠢᠭᠯᠠᠨ ᠵᠤᠭᠰᠤᠭᠠᠭᠰᠠᠨ ᠶᠤᠮ ᠃
1927 ᠤᠨ ᠤ ᠴᠠᠭᠠᠨ ᠰᠠᠷᠠ ᠂ ᠬᠣᠰᠢᠭᠤ ᠸᠠᠩ ᠤᠨ ᠤᠷᠳᠤᠨ ᠲᠠᠮᠠᠭᠠ ᠭᠡᠷᠡᠭᠯᠡᠬᠦ ᠶᠣᠰᠣᠯᠠᠯ ᠶᠠᠪᠤᠭᠳᠠᠭᠤᠯᠵᠤ ᠪᠠᠶᠢᠬᠤ ᠳᠤ᠂ ᠬᠠᠮᠢᠶᠠᠷᠤᠭᠴᠢ ᠰᠣᠳᠦ ᠪᠠ ᠵᠣ ᠸᠠᠨ ᠳ᠋ᠠ ᠵᠡᠷᠭᠡ （ 10 ᠨᠡᠷᠡ ᠴᠡᠷᠢᠭ ᠤᠨ ᠲᠦᠷᠦᠭᠦᠦ ᠶ᠋ᠢ ᠳᠠᠭᠠᠭᠤᠯᠤᠨ） ᠭᠠᠳᠠ ᠮᠡᠢᠢᠷᠡᠨ ᠢ ᠴᠡᠷᠢᠭ ᠤᠨ ᠵᠠᠷᠤᠳᠠᠯ ᠢ ᠱᠠᠮᠰᠢᠭᠰᠠᠨ ᠭᠡᠵᠦ ᠵᠠᠭᠠᠯᠳᠤᠭᠰᠠᠨ ᠪᠠᠶᠢᠨᠠ᠃ ᠳᠡᠮᠡᠢ ᠤᠳᠠᠯ ᠦᠭᠡᠢ ᠭᠠᠳᠠ ᠮᠡᠢᠢᠷᠡᠨ ᠪᠠᠰᠠ ᠦᠨᠡᠨ ᠦᠭᠡ ᠬᠡᠯᠡᠵᠦ ᠬᠠᠳᠦᠠ ᠤ ᠬᠢᠯᠢᠩ ᠢ ᠲᠥᠷᠥᠭᠦᠯᠦᠭᠰᠡᠨ ᠪᠠᠶᠢᠨᠠ ᠃ ᠢᠩᠬᠢᠭᠦᠯᠡᠷ ᠸᠠᠩ ᠨᠣᠶᠠᠨ ᠡᠴᠡ ᠭᠠᠳᠠ ᠶ᠋ᠢᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠮᠡᠶᠢᠷᠡᠨ ᠵᠡᠷᠭᠡ ᠶ᠋ᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ ᠃
ᠰᠢᠨᠡ ᠲᠤᠰᠢᠶᠠᠯ ᠳ᠋ᠦ ᠭᠠᠷᠤᠭᠰᠠᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠮᠡᠶᠢᠷᠡᠨ ᠸᠠᠩ ᠰᠢᠶᠠᠩ ᠯᠢᠨ ᠳᠤᠷᠠ ᠲᠠᠪᠠ ᠪᠠᠷ ᠢᠶ᠋ᠡᠨ ᠠᠭᠠᠰᠢᠯᠠᠵᠤ ᠂ ᠵᠠᠩ ᠽᠦᠸᠸ ᠯᠢᠨ ᠶᠡᠬᠡ ᠵᠣᠸᠠᠨᠱᠤᠸᠢ ᠶᠢ ᠲᠤᠰᠠᠯᠠᠬᠤ ᠪᠠᠷ ᠰᠢᠯᠲᠠᠭ ᠪᠤᠯᠭᠠᠵᠤ ᠬᠤᠰᠢᠭᠤᠨ ᠤ ᠰᠢᠳᠠᠷ ᠴᠡᠷᠢᠭ ᠦᠨ ᠠᠩᠬᠢ ᠶ᠋ᠢ ᠳ᠋ᠠ ᠯᠢᠨ ᠦ ᠦᠷᠲᠡᠭᠡᠨ ᠳ᠋ᠦ ᠠᠪᠠᠭᠠᠴᠢᠭᠰᠠᠨ ᠪᠠᠶᠢᠨᠠ᠃ ᠬᠣᠰᠢᠭᠤ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠮᠡᠬᠡᠯᠡᠭᠳᠡᠭᠰᠡᠨ ᠢᠶ᠋ᠡᠨ ᠮᠡᠳᠡᠭᠰᠡᠨ ᠳᠠᠷᠤᠶ ᠢᠬᠠᠨᠳᠤ ᠲᠠᠭᠠᠨ ᠵᠠᠶᠢᠯᠠᠭᠰᠠᠨ ᠪᠠᠶᠢᠨᠠ ᠃ ᠸᠠᠩ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠭᠡᠷ ᠡᠴᠠ ᠭᠠᠳᠠ ᠶᠢ ᠡᠭᠡᠭᠦᠯᠦᠨ ᠠᠪᠴᠢᠷᠠᠵᠤ ᠳᠤᠲᠠᠭᠠᠨ ᠤᠷᠭᠤᠭᠰᠠᠨ ᠴᠡᠷᠢᠭ ᠢ ᠡᠭᠡᠬᠦᠯᠦᠨ ᠠᠪᠴᠢᠷᠠᠬᠤ ᠪᠠᠷ ᠲᠤᠭᠲᠠᠭᠰᠠᠨ ᠪᠠᠶᠢᠨᠠ ᠃ ᠤᠳᠠᠯ ᠦᠭᠡᠢ ᠂ ᠸᠠᠩ ᠨᠣᠶᠠᠨ ᠡᠴᠡ ᠭᠠᠳᠠ ᠶ᠋ᠢᠨ ᠮᠡᠶᠢᠷᠡᠨ ᠵᠡᠷᠭᠡ ᠶ᠋ᠢ ᠰᠡᠷᠭᠦᠭᠡᠵᠠᠢ᠃ ᠸᠠᠩ ᠰᠢᠶᠠᠩ ᠯᠢᠨ ᠡᠴᠡ ᠬᠡᠷᠡᠭ ᠨᠥᠮᠥᠷᠭᠡᠨ ᠭᠠᠳᠠ ᠮᠡᠢᠢᠷᠡᠨ ᠢ ᠬᠤᠤᠷᠯᠠᠵᠦ ᠂ ᠭᠢᠨᠳᠠᠨ ᠳ᠋ᠤ ᠤᠷᠤᠭᠤᠯᠵᠠᠢ᠃ ᠭᠠᠳᠠ ᠶ᠋ᠢᠨ ᠡᠬᠡᠨᠡᠷ ᠬᠠᠷᠢᠴᠠᠭᠠ ᠨᠡᠪᠲᠡᠷᠡᠭᠦᠯᠵᠦ ᠭᠠᠳᠠ ᠢᠶᠠᠨ ᠠᠪᠤᠷᠠᠨ ᠭᠠᠷᠭᠠᠭᠰᠠᠨ ᠶᠤᠮ ᠃
1928 ᠣᠨ ᠳ᠋ᠤ᠂ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠵᠠᠩ ᠽᠦᠸᠧ ᠯᠢᠨ ᠮᠣᠩᠭᠣᠯ ᠬᠣᠰᠢᠭᠤᠨ ᠤ ᠭᠠᠵᠠᠷ ᠰᠢᠷᠣᠶ ᠶ᠋ᠢ ᠡᠵᠡᠷᠬᠡᠪᠡ᠃ ᠳᠠᠷᠬᠠᠨ ᠬᠠᠰᠢᠭᠤᠨ ᠤ ᠲᠤᠢᠷᠪᠡᠠ ᠤ ᠭᠤᠷᠪᠠᠨ ᠬᠤᠪᠢ ᠶ᠋ᠢᠨ ᠭᠠᠵᠠᠷ ᠰᠢᠷᠤᠢ ᠨᠢ ᠠᠲᠠᠷ ᠬᠠᠭᠠᠯᠪᠦᠷᠢᠯᠠᠭᠳᠠᠨ ᠂ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠭᠠᠰᠴᠤ ᠂ ᠮᠠᠯᠴᠢᠳ ᠭᠠᠵᠠᠷ ᠦᠭᠡᠶ ᠡᠴᠠ ᠪᠤᠯᠵᠤ ᠠᠷᠭᠠ ᠪᠤᠰᠤ ᠨᠤᠲᠤᠭ ᠤᠰᠤ ᠡᠴᠠ ᠪᠠᠨ ᠰᠠᠯᠪᠠ ᠃ ᠭᠠᠳᠠ ᠮᠡᠢᠢᠷᠡᠨ ᠭᠠᠵᠠᠷ ᠰᠢᠷᠤᠢ ᠶ᠋ᠢᠨ ᠶᠠᠪᠤᠳᠠᠯ ᠤᠨ ᠲᠤᠪᠴᠢᠶᠠᠨ ᠳ᠋ᠤ ᠬᠦᠷᠴᠦ ᠤᠯᠠᠨᠲᠠ ᠠᠲᠠᠷ ᠬᠠᠭᠠᠯᠪᠦᠷᠢᠯᠠᠬᠤ ᠶ᠋ᠢ ᠡᠰᠡᠷᠭᠦᠴᠡᠭᠰᠡᠨ ᠡᠴᠡ ᠲᠤᠰᠢᠶᠠᠯ ᠡᠴᠠ ᠪᠠᠨ ᠤᠭᠴᠠᠷᠠᠭᠳᠠᠪᠠ ᠃
1929 ᠣᠨ ᠳ᠋ᠦ ᠂ ᠳᠠᠷᠬᠠᠨ ᠬᠣᠰᠢᠭᠤᠨ ᠤ ᠤᠯᠠᠠ ᠲᠦᠮᠡᠨ ᠡᠴᠠ ᠭᠠᠳᠠ ᠂ ᠵᠠᠩ ᠰᠸᠷᠠᠩᠨᠢᠮᠠ ᠂ ᠬᠠᠨ ᠰᠸᠩᠭᠡᠰᠸᠩᠷᠦᠪ ᠢᠶᠠᠷ ᠲᠣᠯᠤᠭᠠᠶᠢᠯᠠᠭᠤᠯᠤᠭᠰᠠᠨ 60 ᠲᠥᠯᠥᠭᠡᠯᠡᠭᠴᠢ ᠢ ᠰᠤᠩᠭᠤᠨ ᠭᠠᠷᠭᠠᠵᠤ ᠹᠸᠡᠭᠲ᠋ᠢᠶᠠᠨ ᠳ᠋ᠤ ᠬᠦᠷᠴᠦ ᠡᠷᠭᠦᠳᠡᠯ ᠭᠠᠷᠭᠠᠪᠠ ᠃ ᠸᠠᠩ ᠨᠣᠶᠠᠨ ᠡᠴᠠ ᠤᠷᠢᠳᠠᠪᠠᠷ ᠠᠭᠤᠯᠵᠠᠬᠤ ᠶ᠋ᠢ ᠲᠠᠪᠴᠢᠵᠦ ᠪᠠᠶᠢᠭᠰᠠᠨ ᠪᠤᠯ ᠰᠡᠭᠦᠯᠡᠷ ᠨᠢ ᠠᠰᠢᠭ ᠢᠶᠠᠷ ᠲᠠᠳᠠᠵᠦ ᠰᠦᠷᠳᠡᠭᠦᠯᠦᠯ ᠶᠠᠪᠤᠭᠤᠯᠤᠭᠰᠠᠨ ᠪᠠᠶᠢᠨᠠ ᠃ ᠭᠤᠶᠤᠴᠢᠯᠠᠬᠤ ᠪᠦᠯᠬᠦᠮ ᠡᠴᠠ《 ᠳᠤᠭᠤᠶᠢᠯᠠᠩ 》 ᠦᠨ ᠨᠡᠷᠡ ᠬᠠᠮᠲᠤᠷᠠᠭᠰᠠᠨ ᠡᠷᠭᠦᠳᠡᠯ ᠤᠨ ᠪᠢᠴᠢᠭ ᠡᠷᠭᠦᠵᠦ ᠂ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠶ᠋ᠢ ᠡᠷᠡᠰ ᠡᠰᠡᠷᠭᠦᠴᠡᠭᠰᠡᠨ ᠪᠠᠶᠢᠨᠠ᠃ ᠳᠠᠷᠬᠠᠨ ᠸᠠᠩ ᠪᠣᠯᠤᠨ ᠹᠸᠡᠭᠲ᠋ᠢᠶᠠᠨ ᠤ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠤ ᠬᠤᠤᠪᠢᠯᠳᠤᠵᠤ ᠂ ᠮᠤᠵᠢ ᠶ᠋ᠢᠨ ᠴᠠᠭᠳᠠᠭᠠᠨ ᠦ ᠲᠢᠩᠬᠢᠮ ᠡᠴᠡ ᠭᠠᠳᠠ ᠵᠡᠷᠭᠡ ᠪᠡᠷ ᠭᠤᠶᠤᠴᠢᠯᠠᠬᠤ ᠪᠦᠯᠬᠦᠮ ᠤᠨ ᠲᠦᠷᠦᠭᠦᠯᠦᠭᠰᠡᠨ 4 ᠬᠥᠮᠦᠨ ᠢ ᠪᠠᠷᠢᠪᠴᠢᠯᠠᠪᠠ ᠂ ᠳᠠᠷᠠᠭᠠ ᠨᠢ ᠳᠠᠷᠬᠠᠨ ᠸᠠᠩ ᠤᠨ ᠬᠤᠷᠢᠶᠠᠨ ᠳ᠋ᠤ ᠠᠪᠠᠭᠠᠴᠢᠨ ᠬᠤᠷᠢᠭᠰᠠᠨ ᠪᠠᠶᠢᠨᠠ ᠃ ᠸᠠᠩ ᠨᠣᠶᠠᠨ ᠡᠴᠠ ᠭᠠᠳᠠ ᠨᠢᠭᠤᠴᠠ ᠪᠠᠷ ᠬᠢᠲᠤᠭᠠᠯᠠᠨ ᠠᠯᠠᠬᠤ ᠭᠡᠰᠡᠨ ᠳ᠋ᠦ ᠭᠠᠳᠠ ᠶ᠋ᠢᠨ ᠡᠬᠡᠨᠡᠷ ᠨᠢ ᠰᠠᠳᠤᠨ ᠲᠦᠷᠦᠯ ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠬᠠᠮᠳᠤ ᠪᠠᠷ ᠭᠠᠳᠠ ᠶ᠋ᠢ ᠭᠢᠨᠳᠠᠨ ᠡᠴᠡ ᠠᠪᠤᠷᠠᠨ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ ᠃
ᠭᠢᠨᠳᠠᠨ ᠡᠴᠠ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠂ ᠭᠠᠳᠠ ᠡᠴᠠ ᠲᠦᠷᠦᠯ ᠰᠠᠳᠤᠨ ᠨᠠᠶᠢᠵᠠ ᠨᠥᠬᠥᠳ ᠲᠠᠢ ᠪᠠᠨ ᠵᠥᠪᠳᠡᠯᠴᠡᠨ ᠠᠲᠠᠷ ᠬᠠᠭᠠᠯᠪᠦᠷᠢᠯᠠᠬᠤ ᠶ᠋ᠢ ᠡᠰᠡᠷᠭᠦᠴᠡᠬᠦ ᠪᠤᠰᠤᠯᠭᠠ ᠭᠠᠷᠭᠠᠬᠤ ᠪᠠᠷ
ᠲᠤᠭᠲᠠᠵᠠᠢ᠃ ᠤᠯᠠᠨ ᠢᠶᠠᠷ ᠢᠶᠡᠨ ᠭᠠᠳᠠ ᠶ᠋ᠢ ᠬᠦᠷᠢᠶᠡᠯᠡᠨ ᠂ ᠪᠣᠰᠣᠯᠭᠠ ᠤᠨ ᠴᠡᠷᠢᠭ ᠤᠨ ᠤᠷᠢᠶᠠ ᠨᠢ ᠳᠠᠷᠤᠢ《 ᠬᠡᠮᠵᠢᠯᠲᠡ ᠶ᠋ᠢᠨ ᠲᠣᠪᠴᠢᠶᠠ ᠢ ᠴᠤᠬᠢᠨ ᠤᠨᠠᠭᠠᠵᠤ᠂ ᠠᠷᠠᠳ ᠤᠨ ᠡᠳ᠋ ᠬᠦᠷᠦᠩᠭᠡ ᠶ᠋ᠢ ᠦᠯᠦ ᠪᠤᠯᠢᠶᠠᠬᠤ 》 ᠪᠤᠯᠤᠨᠠ ᠃
1930 ᠣᠨ ᠤ ᠨᠠᠮᠤᠷ ᠂ ᠪᠣᠰᠣᠯᠭᠠ ᠶ᠋ᠢᠨ ᠡᠩᠨᠡᠭᠡᠬᠦᠭᠵᠢᠭᠡᠳ 1200 ᠭᠠᠷᠤᠶ ᠬᠦᠮᠦᠨ ᠲᠠᠢ ᠪᠤᠯᠵᠠᠢ ᠃ ᠬᠡᠳᠦᠨ ᠤᠳᠠᠭᠠᠨ ᠤ ᠠᠶᠠᠨ ᠳᠠᠶᠢᠨ ᠬᠢᠬᠦ ᠪᠠᠷ ᠳᠠᠮᠵᠢᠨ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠲᠤᠪᠴᠢᠶᠠᠨ ᠤ ᠨᠣᠶᠠᠳ ᠪᠣᠯᠤᠨ ᠸᠠᠩ ᠭᠦᠩ ᠤᠨ ᠬᠦᠴᠦᠨ ᠢ ᠴᠤᠬᠢᠨ ᠪᠠᠭᠤᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ ᠃ ᠳᠠᠷᠬᠠᠨ ᠸᠠᠩ ᠡᠴᠠ ᠵᠡᠭᠦᠨ ᠬᠣᠶᠢᠲᠤ ᠣᠷᠣᠨ ᠤ ᠭᠤᠷᠪᠠᠨ ᠮᠤᠵᠢ ᠶ᠋ᠢᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠢ ᠬᠦᠷᠦᠯᠴᠡᠨ ᠢᠷᠡᠵᠦ ᠪᠦᠰᠡᠯᠡᠨ ᠳᠠᠭᠠᠷᠢᠬᠤ ᠶ᠋ᠢ ᠭᠤᠶᠤᠴᠢᠯᠠᠭᠰᠠᠨ ᠪᠠᠶᠢᠨᠠ᠃ ᠰᠡᠭᠦᠯᠡᠷ ᠨᠢ ᠪᠠᠰᠠ ᠺᠠᠶᠢᠯᠦ ᠳ᠋ᠤ ᠰᠠᠭᠤᠭᠠ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠪᠠᠷᠢᠭᠠᠳᠠ ᠶᠢᠨ ᠯᠢ ᠱᠧᠤ ᠰᠢᠨ ᠤ ᠬᠣᠷᠢᠶᠠ ᠂ ᠲᠤᠤᠨᠠᠨ ᠤ ᠵᠠᠩ ᠴᠣᠬᠣᠷ ᠤᠨ ᠪᠦᠯᠦᠭ᠂ ᠯᠢᠶᠣᠤᠨᠢᠩ ᠤᠨ ᠶᠠᠮᠤᠨ ᠵᠢᠴᠢ ᠲᠦᠩᠯᠢᠶᠣᠤ ᠳ᠋ᠦ ᠰᠠᠭᠤᠭᠠ ᠴᠡᠷᠢᠭ ᠪᠣᠯᠤᠨ ᠬᠣᠰᠢᠭᠤ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠶ᠋ᠢᠨ 4000 ᠭᠠᠷᠤᠶ ᠬᠥᠮᠦᠨ ᠢ ᠰᠢᠯᠵᠢᠭᠦᠯᠦᠨ ᠠᠪᠴᠢᠷᠠᠵᠤ ᠪᠣᠰᠣᠯᠭᠠ ᠶ᠋ᠢᠨ ᠴᠡᠷᠢᠭ ᠲᠤ ᠪᠦᠰᠡᠯᠡᠨ ᠨᠡᠬᠡᠮᠵᠢᠯᠡᠯᠲᠡ ᠬᠢᠭᠰᠡᠨ ᠪᠠᠶᠢᠨᠠ ᠃ ᠶᠡᠬᠡ ᠪᠠᠭᠠ 20 ᠭᠠᠷᠤᠶ ᠤᠳᠠᠭᠠ ᠶᠢᠨ ᠪᠠᠶᠢᠯᠳᠤᠭᠠᠨ ᠢᠶᠠᠷ ᠳᠠᠮᠵᠢᠵᠤ ᠂ ᠪᠣᠰᠣᠯᠭᠠ ᠶ᠋ᠢᠨ ᠴᠡᠷᠢᠭ ᠤᠨ ᠭᠣᠣᠯ ᠪᠤᠯᠬᠤ ᠬᠦᠴᠦᠨ ᠤ ᠣᠯᠠᠩᠬᠢ ᠨᠢ ᠪᠡᠶᠡ ᠦᠷᠡᠭᠳᠡᠪᠡ ᠃ 1931 ᠤ ᠡᠬᠢᠨ ᠬᠦᠷᠴᠦ ᠢᠷᠡᠭᠡᠳ᠂ ᠪᠤᠰᠤᠯᠭᠠ ᠶ᠋ᠢᠨ ᠴᠡᠷᠢᠭ ᠨᠢ 200 ᠭᠠᠷᠤᠶ ᠬᠥᠮᠦᠨ ᠯᠡ ᠦᠯᠡᠳᠡᠭᠰᠡᠨ ᠪᠠᠶᠢᠵᠠᠶ ᠃ ᠲᠦᠯᠢᠶᠠᠨᠮᠣᠳᠦ ᠶ᠋ᠢᠨ ᠪᠦᠰᠡᠯᠡᠯᠲᠡ ᠶ᠋ᠢ ᠰᠢᠪᠲᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠂ ᠭᠠᠳᠠ ᠮᠡᠢᠢᠷᠡᠨ ᠤ ᠳᠤᠤᠷᠠᠬᠢ ᠴᠡᠷᠢᠭ ᠨᠢ 80 ᠭᠠᠷᠤᠶ ᠬᠦᠮᠦᠨᠯᠠ ᠦᠯᠡᠳᠡᠵᠦ᠂ ᠠᠬᠤᠶ ᠪᠠᠶᠢᠳᠠᠯ ᠲᠤᠶᠢᠯ ᠤᠨ ᠬᠦᠴᠢᠷ ᠪᠠᠶᠢᠳᠠᠯ ᠳ᠋ᠤ ᠤᠷᠤᠭᠰᠠᠨ ᠪᠠᠶᠢᠨᠠ ᠃
ᠭᠠᠳᠠ ᠬᠥᠮᠦᠨ ᠲᠣᠮᠢᠯᠠᠨ ᠺᠠᠶᠢᠯᠤ ᠰᠢᠶᠠᠨ ᠤ ᠭᠤᠤ ᠰᠢᠶᠠᠨ ᠤ ᠳᠠᠷᠤᠭᠠ ᠳ᠋ᠤ ᠴᠢᠮᠡᠭᠡ ᠶᠠᠪᠤᠭᠤᠯᠵᠤ ᠂ ᠲᠡᠭᠦᠨ ᠢ ᠬᠤᠶᠠᠷ ᠡᠳᠦᠷ ᠤᠨ ᠳᠣᠲᠣᠷᠠ ᠲᠦᠮᠡᠨ ᠰᠤᠮᠤ ᠬᠦᠷᠭᠡᠵᠦ ᠢᠷᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠳᠠᠨ᠂ ᠡᠭᠦᠨ ᠢᠶ᠋ᠡᠷ ᠶᠠᠪᠤᠬᠤ ᠦᠭᠡᠢ ᠪᠤᠯ ᠺᠠᠶᠢᠯᠤ ᠳ᠋ᠤ ᠳᠠᠭᠠᠷᠢᠨ ᠤᠷᠤᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠨᠠ ᠃ ᠭᠤᠤ ᠰᠢᠶᠠᠨ ᠤ ᠳᠠᠷᠤᠭᠠ ᠨᠢᠭᠤᠷ ᠳᠡᠭᠡᠷᠡ ᠪᠡᠨ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠤᠯᠪᠠᠴᠦ ᠬᠠᠷᠢᠨ ᠳᠠᠯᠠᠳᠡ ᠪᠠᠷ ᠪᠦᠰᠡᠯᠡᠯᠲᠡ ᠶ᠋ᠢᠨ ᠴᠡᠷᠢᠭ ᠲᠦ ᠮᠡᠳᠡᠭᠡ ᠬᠦᠷᠭᠡᠵᠦ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ ᠪᠦᠰᠡᠯᠡᠯᠲᠡ ᠶ᠋ᠢᠨ ᠴᠡᠷᠢᠭ ᠠᠩᠬᠢ ᠨᠢ ᠮᠤᠳᠤᠬᠤᠸᠠ ᠰᠦᠮᠡ ᠳ᠋ᠤ ᠪᠦᠭᠭᠦᠯᠲᠡ ᠲᠠᠯᠪᠢᠵᠦ᠂ ᠪᠣᠰᠣᠯᠭᠠ ᠶ᠋ᠢᠨ ᠴᠡᠷᠢᠭ ᠨᠢ ᠬᠠᠪᠴᠢᠭᠳᠠᠯ ᠳ᠋ᠤ ᠤᠴᠠᠷᠠᠵᠠᠢ᠃ ᠦᠬᠦᠵᠤ ᠰᠡᠭᠡᠬᠦ ᠶ᠋ᠢᠨ ᠪᠠᠶᠢᠯᠳᠤᠭᠠᠨ ᠢᠶ᠋ᠡᠷ ᠳᠠᠮᠵᠢᠭᠠᠳ ᠂ ᠭᠠᠳᠠ ᠤ ᠴᠡᠷᠢᠭ ᠦᠨ 30 ᠭᠠᠷᠤᠶ ᠬᠦᠮᠦᠨ ᠯᠡ ᠠᠮᠢᠳᠤ ᠭᠠᠷᠤᠭᠰᠠᠨ ᠪᠠᠶᠢᠨᠠ ᠃ 1931 ᠤᠨ ᠤ 4 ᠰᠠᠷᠠ ᠶ᠋ᠢᠨ 9 ᠦ ᠡᠳᠦᠢ᠂ ᠭᠠᠳᠠ ᠠᠮᠢᠳᠤ ᠭᠠᠷᠤᠭᠰᠠᠨ ᠬᠡᠳᠦᠬᠡᠨ ᠬᠦᠮᠦᠨ ᠢᠶ᠋ᠡᠨ ᠳᠠᠭᠠᠭᠤᠯᠵᠤ ᠠᠷᠤ ᠮᠠᠩᠬᠠ ᠶ᠋ᠢ ᠲᠤᠭᠤᠯᠤᠨ ᠭᠠᠷᠴᠤ᠂ ᠱᠸᠠᠪᠠᠷᠳᠦ ᠶ᠋ᠢᠨ ᠣᠷᠴᠢᠮ ᠤᠨ ᠰᠢᠨ ᠺᠠᠶ ᠾᠧ ᠭᠣᠣᠯ ᠤᠨ ᠬᠣᠶᠢᠲᠤ ᠬᠣᠩᠭᠣᠷ ᠣᠪᠣᠭᠠ ᠶ᠋ᠢᠨ ᠣᠯᠣᠮ ᠬᠦᠷᠴᠦ ᠂ ᠭᠣᠣᠯ ᠭᠡᠲᠦᠯᠦᠨ ᠡᠮᠦᠨᠡᠰᠢ ᠶᠠᠪᠤᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠪᠠᠶᠢᠵᠠᠢ᠃ ᠡᠨᠡ ᠦᠶᠡ ᠳ᠋ᠦ ᠶᠠᠭ ᠰᠠᠶᠢᠬᠠᠨ ᠴᠠᠰᠤ ᠮᠦᠰᠦ ᠬᠠᠶᠢᠯᠬᠤ ᠴᠠᠭ ᠲᠤᠬᠢᠶᠠᠯᠳᠤᠵᠤ᠂ ᠮᠦᠰᠦᠨ ᠪᠥᠭᠡᠮ ᠤᠷᠤᠰᠬᠠᠯ ᠳᠠᠭᠠᠤ ᠤᠷᠤᠬᠰᠢᠯᠠᠵᠤ᠂ ᠬᠤᠶᠢᠨᠠ ᠨᠢ ᠪᠠᠰᠠ ᠲᠡᠳᠡᠨ ᠢ ᠴᠡᠷᠢᠭ ᠨᠡᠬᠡᠮᠵᠢᠯᠡᠵᠦ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ ᠃ ᠭᠠᠳᠠ ᠡᠴᠠ ᠠᠯᠪᠠ ᠪᠠᠷ ᠭᠣᠣᠯ ᠭᠠᠲᠤᠯᠬᠤ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠂ ᠭᠠᠳᠠ ᠂ ᠪᠠᠪᠦᠦ ᠰᠡᠯᠡᠩᠭᠡ ᠡᠴᠡ ᠬᠠᠮᠠᠭᠠᠯᠠᠨ ᠭᠠᠷᠭᠠᠬᠤ ᠪᠠᠷ ᠲᠤᠭᠲᠠᠵᠠᠢ ᠃ ᠭᠠᠳᠠ ᠪᠠᠪᠦᠦ ᠪᠤᠯᠤᠨ ᠰᠡᠯᠡᠩᠭᠡ ᠶ᠋ᠢᠨ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠭᠤᠤᠯ ᠭᠠᠲᠤᠯᠵᠦ ᠂ ᠪᠠᠶᠢᠯᠳᠤᠬᠤ ᠶ᠋ᠢᠨ ᠳᠠᠭᠠᠤ ᠤᠬᠤᠷᠢᠵᠤ ᠂ ᠵᠣᠯ ᠪᠤᠰᠤ ᠪᠠᠷ ᠰᠤᠮᠤᠨ ᠳᠤ ᠳᠠᠭᠠᠷᠢᠭᠳᠠᠵᠤ ᠪᠡᠶᠡ ᠦᠷᠡᠭᠳᠡᠪᠡ ᠃