ᠥᠪᠥᠷ ᠮᠣᠩᠭᠣᠯ  ᠤᠨ ᠨᠢᠭᠡ ᠪᠦᠯᠦᠭ ᠮᠣᠩᠭᠣᠯ ᠵᠠᠯᠠᠭᠤ ᠬᠤᠪᠢᠰᠬᠠᠯᠴᠢᠳ ᠡᠷᠡᠭᠦᠯ ᠴᠢᠭᠢᠷᠠᠭ ᠢᠶᠠᠷ ᠦᠰᠤᠨ ᠪᠣᠶᠢᠵᠢᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠥᠪᠥᠷ ᠮᠣᠩᠭᠣᠯ  ᠤᠨ ᠡᠯ᠎ᠡ ᠦᠨᠳᠦᠰᠦᠲᠡᠨ  ᠤ ᠠᠷᠠᠳ ᠲᠦᠮᠡᠨ  ᠳ᠋ᠤ ᠬᠤᠪᠢᠰᠬᠠᠯ ᠢ ᠰᠤᠷᠲᠠᠯᠴᠢᠯᠠᠨ ᠂ ᠦᠨᠳᠦᠰᠦᠲᠡᠨ  ᠤ ᠠᠷᠠᠳᠴᠢᠯᠠᠭᠰᠠᠨ ᠴᠢᠯᠥᠭᠡᠯᠡᠯᠲᠡ  ᠶ᠋ᠢᠨ ᠲᠡᠮᠡᠴᠡᠯ ᠶ᠋ᠢ ᠡᠭᠦᠰᠭᠡᠬᠦ ᠶ᠋ᠢᠨ ᠲᠦᠯᠦᠭᠡ ᠂ ᠯᠢ ᠳ᠋ᠡ ᠵᠤᠤ ᠬᠢᠭᠡᠳ ᠳᠤᠮᠳᠠᠳᠤ ᠤᠯᠤᠰ ᠦᠨ ᠡᠪ ᠬᠠᠮᠲᠤ ᠨᠠᠮ  ᠤᠨ ᠤᠮᠠᠷᠠᠲᠤ ᠶ᠋ᠢᠨ ᠬᠤᠷᠢᠶᠠᠯᠠᠯ ᠡᠴᠠ ᠲᠡᠳᠡᠨ ᠢ ᠥᠪᠡᠷᠮᠢᠴᠡ ᠬᠡᠪ ᠨᠠᠮᠪᠠ ᠲᠠᠢ ᠲᠡᠷᠡᠴᠢᠯᠡᠨ ᠥᠪᠥᠷ ᠮᠣᠩᠭᠣᠯ  ᠤᠨ ᠪᠤᠳᠠᠳᠠᠢ ᠪᠠᠶᠢᠳᠠᠯ ᠢᠶᠠᠷ ᠠᠭᠤᠯᠭ᠎ᠠ ᠪᠠᠨ ᠪᠤᠯᠭᠠᠭᠰᠠᠨ ᠬᠤᠪᠢᠰᠬᠠᠯᠲᠤ ᠰᠡᠳᠬᠦᠯ ᠢ ᠡᠷᠬᠢᠯᠡᠬᠦ ᠶ᠋ᠢ ᠵᠦᠪᠰᠢᠶᠡᠷᠡᠨ ᠲᠤᠭᠲᠠᠭᠠᠭᠰᠠᠨ ᠪᠠᠶᠢᠨ᠎ᠠ ᠃ ᠡᠭᠦᠨ ᠳ᠋ᠦ ᠳ᠋ᠦᠸᠸ ᠰᠦᠩ ᠨᠢᠶᠠᠨ ᠂ ᠶᠦᠨ ᠽᠸ ᠂ ᠺᠦᠢ ᠪᠢ ᠨᠡᠷ ᠪᠤᠯ ᠭᠤᠤᠯᠯᠠᠨ ᠡᠷᠬᠢᠯᠡᠭᠴᠢ ᠪᠤᠯᠬᠤ ᠶᠤᠮ᠃ ᠬᠡᠳᠦ ᠤᠳᠠᠭᠠᠨ ᠤ ᠲᠤᠩᠭᠠᠨ ᠪᠤᠳᠤᠯᠲᠠ ᠢ ᠳᠠᠮᠵᠢᠨ ᠡᠨᠡᠬᠦ ᠰᠡᠳᠬᠦᠯ ᠢ《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》ᠬᠡᠮᠡᠨ ᠨᠡᠷᠡᠶᠢᠳᠴᠠᠢ᠃
    《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠦᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠬᠡᠪᠯᠡᠯ ᠨᠢ 1925 ᠤᠨ ᠤ 4 ᠰᠠᠷ᠎ᠠ ᠶ᠋ᠢᠨ 28 ᠦ ᠡᠳᠦᠷ ᠪᠠᠶᠢᠵᠦ ᠂ ᠡᠨᠡ ᠨᠢ ᠮᠦᠨ ᠴᠤ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠡᠳᠦᠷ ᠬᠤᠭᠤᠴᠠᠭ᠎ᠠ ᠪᠤᠯᠬᠤ ᠶᠤᠮ ᠃《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠨᠢ ᠰᠡᠳᠬᠦᠯ ᠦᠨ ᠨᠡᠷ᠎ᠡ  ᠪᠠᠨ ᠮᠣᠩᠭᠣᠯ ᠬᠢᠲᠠᠳ ᠬᠣᠶᠠᠷ ᠵᠦᠢᠯ ᠦᠨ ᠦᠰᠦᠭ ᠪᠢᠴᠢᠭ ᠢᠶ᠋ᠡᠷ ᠪᠢᠴᠢᠵᠦ ᠂ 64 ᠵᠢᠰᠦᠮ  ᠤᠨ ᠪᠦᠭᠡᠳ ᠬᠤᠭᠤᠴᠠᠭ᠎ᠠ ᠪᠦᠷᠢ 15 ᠨᠢᠭᠤᠷ ᠣᠷᠴᠢᠮ ᠪᠠᠶᠢᠳᠠᠭ ᠃ ᠬᠤᠪᠢ ᠪᠦᠷᠢ ᠶ᠋ᠢᠨ ᠬᠤᠳᠠᠯᠳᠤᠬᠤ ᠦᠨ᠎ᠡ ᠬᠠᠩᠰᠢ ᠨᠢ ᠬᠣᠶᠠᠷ ᠵᠡᠰ ᠵᠤᠭᠤᠰ ᠂ ᠲᠠᠷᠢᠶᠠᠴᠢᠨ ᠪᠤᠯ ᠬᠠᠭᠠᠰ ᠦᠨ᠎ᠡ  ᠂ ᠬᠠᠷᠢᠯᠴᠠᠬᠤ ᠬᠥᠮᠦᠨ ᠨᠢ ᠪᠡᠭᠡᠵᠢᠩ  ᠤᠨ ᠮᠣᠩᠭᠣᠯ ᠲᠥᠪᠡᠳ ᠰᠤᠷᠭᠠᠭᠤᠯᠢ ᠶ᠋ᠢᠨ ᠺᠦᠢ ᠪᠢ ᠬᠡᠮᠡᠨ ᠬᠠᠪᠢᠰᠤᠨ ᠭᠠᠳᠠᠷ ᠲᠦ ᠲᠤᠳᠤᠷᠬᠠᠶᠢᠯᠠᠭᠰᠠᠨ ᠪᠠᠶᠢᠳᠠᠭ ᠃ ᠬᠡᠪᠯᠡᠯ ᠨᠡᠶᠢᠲᠡᠯᠡᠭᠰᠡᠨ ᠬᠤᠭᠤᠴᠠᠭᠠᠨ ᠤ ᠲᠤᠬᠠᠢ ᠠᠳᠠᠯᠢ ᠪᠤᠰᠤ ᠶ᠋ᠢᠨ ᠦᠵᠡᠯᠲᠡ ᠤᠷᠤᠰᠢᠵᠦ᠂ ᠣᠳᠣᠬᠠᠨ ᠳᠠᠭᠠᠨ ᠲᠥᠪ  ᠤᠨ ᠳᠠᠨᠭᠰᠠ ᠡᠪᠬᠡᠮᠡᠯ  ᠤᠨ ᠭᠠᠵᠠᠷ ᠲᠤ ᠵᠦᠪᠬᠡᠨ ᠨᠢᠭᠡᠳᠦᠭᠡᠷ ᠂ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠬᠢ ᠯᠠ ᠬᠠᠳᠠᠭᠠᠯᠠᠭᠳᠠᠵᠦ ᠪᠤᠢ ᠃ ᠡᠨᠡᠬᠦ ᠬᠣᠶᠠᠷ ᠬᠤᠭᠤᠴᠠᠭ᠎ᠠ ᠶ᠋ᠢ ᠠᠵᠢᠭᠯᠠᠪᠠᠯ ᠂ ᠠᠭᠤᠯᠭ᠎ᠠ ᠨᠢ ᠡᠯᠪᠡᠭ ᠪᠠᠶᠠᠯᠢᠭ ᠂ ᠭᠣᠣᠯ ᠰᠡᠳᠦᠪ ᠨᠢ ᠢᠯᠭᠤᠮ ᠲᠣᠳᠣ ᠂ ᠰᠡᠳᠦᠪᠯᠡᠬᠦᠨ ᠨᠢ ᠣᠯᠠᠨ ᠶᠠᠩᠵᠤ  ᠶ᠋ᠢᠨ ᠪᠠᠶᠢᠵᠦ ᠂ ᠬᠡᠯᠡ ᠬᠡᠯᠡᠯᠭᠡ ᠨᠢ ᠤᠷᠤᠰᠤᠮ᠎ᠠ ᠣᠶᠢᠯᠠᠭᠠᠮᠵᠢᠲᠠᠶ ᠂ ᠤᠨᠤᠯ ᠬᠢᠭᠡᠳ ᠪᠣᠳᠠᠲᠤ ᠪᠠᠶᠢᠳᠠᠯ ᠨᠢᠭᠲᠠ ᠤᠶᠠᠯᠳᠤᠵᠦ ᠪᠠᠶᠢᠬᠤ ᠪᠠᠷ ᠦᠯᠦ ᠪᠠᠷᠠᠮ ᠪᠠᠰᠠ ᠡᠯ᠎ᠡ ᠵᠦᠢᠯ  ᠤᠨ ᠢᠯᠡ ᠲᠣᠳᠣᠷᠠᠭᠤᠨ ᠪᠤᠯᠤᠩ ᠲᠠᠢ ᠪᠠᠶᠢᠳᠠᠭ ᠃ ᠵᠢᠱᠢᠶᠡᠯᠡᠪᠡᠯ 《 ᠤᠯᠤᠰ ᠲᠦᠷᠦ ᠶᠢᠨ ᠰᠢᠭᠦᠮᠵᠢ 》 ᠂ 《 ᠵᠣᠪᠠᠯᠠᠩ  ᠲᠤᠭᠠᠴᠢᠯ 》 ᠂ 《 ᠬᠦᠮᠦᠨ ᠢ ᠤᠬᠠᠭᠠᠷᠠᠭᠤᠯᠬᠤ ᠲᠡᠮᠳᠡᠭᠯᠡᠯ 》 ᠂ 《 ᠰᠠᠶᠢᠨ ᠠᠷᠭ᠎ᠠ ᠪᠤᠳᠤᠯᠭ᠎ᠠ 》 ᠂《 ᠮᠣᠩᠭᠣᠯ ᠳᠠᠭᠤᠤ 》 ᠂ 《 ᠠᠷᠤ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ 》 ᠵᠡᠷᠭᠡ ᠪᠠᠶᠢᠵᠦ ᠂ ᠤᠩᠰᠢᠬᠤ ᠳ᠋ᠤ ᠰᠢᠨ᠎ᠡ ᠰᠡᠪᠡᠭᠦᠨ ᠪᠦᠭᠡᠳ ᠰᠡᠳᠬᠢᠯ ᠬᠦᠳᠡᠯᠭᠡᠮ᠎ᠡ ᠪᠠᠶᠢᠳᠠᠭ ᠃
    《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠤᠨ ᠰᠡᠳᠬᠦᠯ ᠡᠷᠬᠢᠯᠡᠬᠦ ᠵᠣᠷᠢᠯᠲᠠ ᠨᠢ ᠮᠠᠰᠢ ᠲᠣᠳᠣᠷᠬᠠᠶ ᠪᠠᠶᠢᠳᠠᠭ ᠃ ᠳᠠᠷᠤᠶ ᠥᠪᠥᠷ ᠮᠣᠩᠭᠣᠯ  ᠤᠨ ᠪᠣᠳᠠᠲᠤ ᠪᠠᠶᠢᠳᠠᠯ ᠲᠠᠶ ᠤᠶᠠᠯᠳᠤᠭᠤᠯᠵᠤ ᠂ ᠳᠤᠮᠳᠠᠳᠤ ᠤᠯᠤᠰ  ᠤᠨ ᠡᠪ ᠬᠠᠮᠲᠤ ᠨᠠᠮ  ᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠭᠡᠢᠢᠳᠡᠨ ᠬᠢᠭᠡᠳ ᠹᠸᠤᠳᠠᠯ  ᠢ ᠡᠰᠡᠷᠭᠦᠴᠡᠬᠦ ᠦᠨᠳᠦᠰᠦᠲᠡᠨ  ᠤ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ ᠬᠥᠲᠥᠯᠪᠦᠷᠢ ᠢ ᠤᠬᠠᠭᠤᠯᠬᠤ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ ᠃ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠠᠩᠬᠠᠳᠠᠭᠴᠢ ᠵᠣᠬᠢᠶᠠᠯ ᠨᠢ 《ᠡᠬᠢᠯᠡᠯᠲᠡ ᠶ᠋ᠢᠨ ᠦᠭᠡ 》 ᠭᠡᠳᠡᠭ ᠢᠶᠠᠷ ᠰᠡᠳᠦᠪ  ᠪᠤᠯᠭᠠᠨ ᠂ ᠵᠥᠪᠬᠡᠨ 16 ᠦᠰᠦᠭ ᠬᠡᠷᠡᠭᠯᠡᠵᠡᠢ ᠃ ᠳᠠᠷᠤᠢ 《 ᠮᠣᠩᠭᠣᠯ ᠲᠠᠷᠢᠶᠠᠴᠢᠳ ᠤᠨ ᠥᠰᠢᠶᠡᠲᠡᠨ  ᠪᠣᠯ ︱ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠂ ᠡᠵᠡᠷᠬᠡᠭ ᠲᠦ᠋ᠷᠢᠮᠡᠬᠡᠢᠢᠲᠡᠨ ᠂ ᠸᠠᠩ ᠭᠦᠩ 》 ᠬᠡᠮᠡᠵᠦ ᠂ ᠵᠤᠬᠢᠶᠠᠯ ᠡᠬᠢᠯᠡᠮᠡᠭᠴᠡ ᠪᠡᠨ《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠪᠤᠯ ᠳᠠᠷᠤᠢ ᠳᠤᠮᠳᠠᠳᠤ ᠤᠯᠤᠰ  ᠤᠨ ᠡᠪ ᠬᠠᠮᠲᠤ ᠨᠠᠮ  ᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢᠢᠳᠡᠨ ᠬᠢᠭᠡᠳ ᠹᠧᠣᠳᠠᠯ  ᠢ ᠡᠰᠡᠷᠭᠦᠴᠡᠬᠦ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ  ᠤᠨ ᠬᠥᠲᠥᠯᠪᠦᠷᠢ ᠢ ᠰᠤᠷᠲᠠᠯᠴᠢᠯᠠᠬᠤ ᠪᠠᠷ ᠵᠣᠷᠢᠯᠲᠠ ᠪᠠᠨ ᠪᠤᠯᠭᠠᠭᠰᠠᠨ ᠰᠡᠳᠬᠦᠯ ᠬᠡᠮᠡᠵᠦ᠂ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠬᠢᠭᠡᠳ ᠸᠠᠩ ᠭᠦᠩ ᠦ᠋ᠨ ᠥᠪᠥᠷ ᠮᠣᠩᠭᠣᠯ  ᠤᠨ ᠠᠷᠠᠳ ᠲᠦᠮᠡᠨ ᠳ᠋ᠤ ᠶᠠᠪᠤᠭᠤᠯᠤᠭᠰᠠᠨ ᠳᠠᠷᠤᠯᠠᠯ ᠮᠥᠯᠵᠢᠯ ᠪᠤᠯᠤᠨ ᠡᠵᠡᠷᠬᠡᠭᠯᠡᠯ ᠲᠦᠷᠢᠮᠡᠬᠡᠶᠢᠯᠡᠯ ᠢ ᠢᠯᠡᠴᠢᠯᠡᠬᠦ  ᠪᠡᠷ ᠪᠠᠷᠠᠬᠤ ᠦᠭᠡᠢ ᠡᠨᠡ ᠭᠤᠷᠪᠠ ᠪᠣᠯ ᠳᠠᠷᠤᠢ ᠮᠣᠩᠭᠣᠯ ᠲᠠᠷᠢᠶᠠᠴᠢᠳ ᠤᠨ ᠥᠰᠢᠶᠡᠲᠡᠨ ᠬᠡᠮᠡᠨ ᠰᠢᠭᠤᠳ ᠵᠢᠭᠠᠵᠤ ᠭᠠᠷᠭᠠᠵᠠᠢ ᠃ ᠠᠭᠤᠯᠭ᠎ᠠ ᠨᠢ ᠬᠡᠳᠦᠶᠢᠪᠡᠷ ᠴᠢᠬᠤᠯᠠ ᠮᠦᠷᠲᠡᠭᠡᠨ ᠭᠦᠨᠵᠡᠭᠡᠶ ᠪᠠᠶᠢᠭᠰᠠᠨ ᠴᠤ ᠢᠯᠡᠳᠬᠡᠮᠵᠢ ᠨᠢ ᠲᠣᠪᠴᠢ ᠲᠤᠳᠤᠷᠬᠠᠢ ᠪᠠᠶᠢᠵᠦ ᠂ ᠦᠨᠡᠨᠬᠦ ᠭᠠᠶᠢᠬᠠᠮᠰᠢᠭᠲᠤ ᠪᠦᠲᠦᠭᠡᠯ ᠪᠤᠯᠬᠤ ᠶᠤᠮ ᠃ ᠡᠨᠡ ᠨᠢ ᠮᠦᠨ ᠴᠤ《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ  ᠤᠨ ᠬᠡᠪᠯᠡᠯ ᠡᠬᠢᠯᠡᠬᠦ ᠦᠭᠡ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠮᠠᠷ ᠃
    《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠦᠨ ᠬᠣᠶᠠᠳᠤᠭᠠᠷ ᠵᠣᠬᠢᠶᠠᠯ ᠨᠢ《 ᠶᠠᠭᠠᠬᠢᠭᠠᠳ ᠡᠨᠡ ᠰᠡᠳᠬᠦᠯ  ᠢ ᠭᠠᠷᠭᠠᠬᠤ ᠪᠤᠢ?》 ᠭᠡᠳᠡᠭ ᠢᠶ᠋ᠡᠷ ᠰᠡᠳᠦᠪ ᠪᠤᠯᠭᠠᠵᠦ ᠂ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠂ ᠡᠵᠡᠷᠬᠡᠭ ᠲᠦ᠋ᠷᠢᠮᠡᠬᠡᠢᠢᠲᠡᠨ ᠂ ᠸᠠᠩ ᠭᠦᠩ ᠨᠢ ᠮᠣᠩᠭᠣᠯ ᠲᠠᠷᠢᠶᠠᠴᠢᠳ ᠤᠨ ᠥᠰᠢᠶᠡᠲᠡᠨ  ᠪᠤᠯᠬᠤ ᠲᠤᠬᠠᠢ ᠪᠤᠳᠠᠳᠠᠢ ᠪᠦᠭᠡᠳ ᠭᠦᠨᠵᠡᠭᠡᠢ ᠦᠭᠦᠯᠡᠭᠰᠡᠨ ᠶᠤᠮ ᠃ ᠵᠤᠬᠢᠶᠠᠯ ᠤᠨ ᠡᠬᠢᠯᠡᠯᠲᠡ ᠳ᠋ᠦ ᠥᠪᠥᠷ ᠮᠣᠩᠭᠣᠯ  ᠤᠨ ᠭᠠᠵᠠᠷ ᠵᠦᠢ  ᠶ᠋ᠢᠨ ᠬᠡᠪᠴᠢᠶ᠎ᠡ ᠶ᠋ᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ ᠃ ᠲᠤᠬᠠᠶᠢᠯᠠᠪᠠᠯ《 ᠳᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠤᠮᠠᠷᠠᠲᠤ ᠬᠡᠰᠡᠭ ᠦᠨ ᠤᠷᠤᠨ᠂ ᠠᠷᠤ ᠮᠣᠩᠭᠣᠯ  ᠤᠨ ᠡᠮᠦᠨ᠎ᠡ ᠬᠡᠰᠡᠭ ᠂ ᠷᠸᠾᠸ ᠂ ᠴᠠᠬᠠᠷ ᠂ ᠰᠦᠢᠶᠤᠸᠠᠨ ᠭᠤᠷᠪᠠᠨ ᠣᠨᠴᠠᠭᠠᠶ ᠣᠷᠣᠨ ᠪᠠ ᠪᠠᠷᠠᠭᠤᠨ ᠲᠤᠬᠤᠢ ᠮᠤᠩᠭᠤᠯ（ ᠠᠯᠠᠱᠠ ᠬᠤᠰᠢᠭᠤ ᠪᠠ ᠡᠵᠡᠨ᠎ᠡ ᠬᠣᠰᠢᠭᠤ ） ᠵᠡᠷᠷᠭᠡ ᠣᠷᠣᠨ ᠨᠤᠲᠤᠭ ᠢ ᠬᠠᠮᠳᠤᠳᠬᠠᠨ 《 ᠦᠪᠦᠷ ᠮᠤᠩᠭᠤᠯ 》 ᠭᠡᠵᠦ ᠨᠡᠷᠡᠯᠡᠳᠡᠭ ᠭᠡᠵᠠᠢ ᠃ ᠵᠠᠯᠭᠠᠭᠠᠳ ᠂《 ᠭᠤᠷᠪᠠᠨ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ 》 ᠭᠡᠳᠡᠭ  ᠢᠶᠠᠷ ᠠᠭᠤᠯᠭ᠎ᠠ  ᠪᠠᠷ ᠥᠪᠥᠷ ᠮᠣᠩᠭᠣᠯ  ᠤᠨ ᠲᠠᠷᠢᠶᠠᠴᠢᠳ ᠤᠨ ᠭᠠᠰᠢᠭᠤᠨ ᠵᠣᠪᠠᠯᠠᠩᠲᠤ ᠠᠬᠤᠶ ᠪᠠᠶᠢᠳᠠᠯ ᠢ ᠲᠤᠭᠠᠴᠢᠨ ᠂ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠂ ᠸᠠᠩ ᠭᠦᠩ  ᠨᠠᠷ ᠤᠨ ᠳᠠᠷᠤᠯᠠᠯ ᠮᠥᠯᠵᠢᠯ ᠪᠤᠯᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠯᠡᠯ  ᠢ ᠢᠯᠡᠴᠢᠯᠡᠭᠰᠡᠨ ᠪᠠᠶᠢᠨ᠎ᠠ᠄ ᠡᠭᠦᠨ ᠳ᠋ᠦ ᠨᠢᠭᠡᠳᠦᠭᠡᠷ ᠲᠦ ᠂ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ ᠨᠢ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠤ ᠳᠠᠷᠤᠯᠠᠯ ᠮᠦᠯᠵᠢᠯ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠯᠭᠡ ᠡᠴᠠ ᠪᠤᠯᠤᠭᠰᠠᠨ ᠥᠪᠥᠷ ᠮᠣᠩᠭᠣᠯ  ᠤᠨ ᠲᠠᠷᠢᠶᠠᠴᠢᠳ ᠲᠤ ᠤᠴᠠᠷᠠᠭᠤᠯᠤᠭᠰᠠᠨ ᠭᠠᠰᠠᠯᠠᠩ ᠵᠣᠪᠠᠯᠠᠩ ᠢ ᠵᠢᠭᠠᠳᠠᠭ᠃ ᠬᠣᠶᠠᠳᠤᠭᠠᠷ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ ᠭᠡᠳᠡᠭ ᠨᠢ ᠮᠣᠩᠭᠣᠯ ᠸᠠᠩ ᠭᠦᠩ  ᠡᠴᠠ ᠶᠠᠪᠤᠭᠤᠯᠤᠭᠰᠠᠨ ᠡᠷᠭᠡᠲᠦ ᠳᠠᠷᠤᠩᠭᠤᠶᠢᠯᠠᠯ ᠢ ᠵᠢᠭᠠᠳᠠᠭ᠃ ᠡᠵᠡᠷᠭᠡᠭ ᠲᠦᠷᠢᠮᠡᠬᠡᠢ ᠤᠯᠤᠰ ᠤᠨ ᠲᠦᠷᠢᠮᠡᠬᠡᠶᠢᠯᠡᠯ ᠬᠢᠭᠡᠳ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠯᠭᠡ ᠨᠢ ᠮᠤᠩᠭᠤᠯ ᠲᠠᠷᠢᠶᠠᠴᠢᠳ ᠤᠨ ᠭᠤᠷᠪᠠᠳᠤᠭᠠᠷ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ  ᠢ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶᠢᠨ᠎ᠠ ᠃ 《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠨᠢ ᠮᠣᠩᠭᠣᠯ ᠲᠠᠷᠢᠶᠠᠴᠢᠳ ᠤᠨ ᠭᠤᠷᠪᠠᠨ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ ᠶ᠋ᠢ ᠦᠭᠦᠯᠡᠬᠦ ᠪᠡᠷ ᠳᠠᠮᠵᠢᠨ ᠨᠠᠮ ᠤᠨ ᠡᠵᠡᠷᠬᠡᠭ ᠲᠤᠢᠷᠢᠮᠡᠭᠡᠢᠢᠳᠡᠠ ᠬᠢᠭᠡᠳ ᠹᠧᠣᠳᠠᠯ  ᠢ ᠡᠰᠡᠷᠭᠦᠴᠡᠬᠦ ᠬᠤᠪᠢᠰᠬᠠᠯᠲᠤ ᠬᠥᠲᠥᠯᠪᠦᠷᠢ ᠶ᠋ᠢ ᠮᠠᠰᠢ ᠤᠨᠤᠪᠴᠢᠲᠠᠢ ᠰᠤᠷᠲᠠᠯᠴᠢᠯᠠᠵᠦ ᠂ ᠡᠭᠦᠨ ᠦ ᠳᠡᠭᠦᠰᠭᠡᠯ ᠳ᠋ᠦ ᠮᠦᠨ《 ᠲᠡᠭᠷᠢ ᠭᠠᠵᠠᠷ ᠤᠨ ᠳᠤᠮᠳᠠ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠮᠦᠬᠦᠬᠦ ᠡᠴᠡ ᠡᠮᠦᠨ᠎ᠡ ᠠᠷᠠᠳ ᠢᠷᠭᠡᠳ ᠵᠣᠪᠠᠯᠠᠩ ᠠᠮᠰᠠᠬᠤ ᠡᠴᠠ ᠵᠠᠶᠢᠯᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠸᠠᠩ ᠭᠦᠩ ᠮᠦᠬᠦᠬᠦ ᠡᠴᠡ ᠡᠮᠦᠨ᠎ᠡ ᠠᠷᠠᠳ ᠲᠦᠮᠡᠨ ᠡᠮᠭᠡᠨᠢᠯ ᠡᠴᠡ ᠮᠤᠯᠳᠤᠷᠠᠵᠤ ᠴᠢᠳᠠᠬᠤ ᠦᠬᠡᠢ ᠃ ᠬᠦᠴᠦᠷᠬᠡᠭ  ᠨᠢ ᠪᠠᠭᠤᠷᠠᠢ ᠪᠡᠨ ᠳᠠᠷᠤᠯᠠᠵᠦ ᠵᠤᠪᠠᠨᠢᠯ ᠦᠯᠦ ᠠᠷᠢᠯᠬᠤ》 ᠬᠡᠮᠡᠨ《 ᠮᠣᠩᠭᠣᠯ ᠳᠠᠭᠤᠤ 》 ᠳᠣᠲᠣᠷᠠᠬᠢ ᠨᠢᠭᠡ ᠪᠠᠳᠠᠭ ᠰᠢᠯᠦᠭ ᠪᠠᠷ ᠡᠨᠡᠬᠦ ᠭᠤᠷᠪᠠᠨ ᠮᠠᠭᠤ ᠬᠤᠪᠢ ᠵᠠᠶᠠᠭ᠎ᠠ ᠶ᠋ᠢ ᠮᠠᠰᠢ ᠳᠦᠷᠰᠦᠯᠢᠭ  ᠢᠶᠠᠷ ᠬᠤᠷᠢᠶᠠᠩᠭᠤᠶᠢᠯᠠᠨ ᠢᠯᠡᠳᠬᠡᠭᠰᠡᠨ ᠪᠠᠶᠢᠨ᠎ᠠ ᠃
    《 ᠮᠣᠩᠭᠣᠯ ᠲᠠᠷᠢᠶᠠᠴᠢᠨ 》 ᠰᠡᠳᠬᠦᠯ ᠨᠢ《 ᠠᠷᠤ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ 》 ᠬᠡᠮᠡᠬᠦ ᠨᠢᠭᠡᠨ ᠪᠤᠯᠤᠩ ᠲᠠᠢ ᠪᠠᠶᠢᠵᠦ ᠂ ᠬᠥᠮᠦᠰ  ᠤᠨ ᠠᠩᠬᠠᠷᠤᠯ  ᠳ᠋ᠤ ᠬᠦᠷᠲᠡᠭ ᠠᠷᠤ ᠮᠣᠩᠭᠣᠯ ᠤᠨ ᠬᠤᠪᠢᠰᠬᠠᠯ ᠤᠨ ᠳᠠᠷᠠᠭᠠᠬᠢ ᠪᠠᠶᠢᠳᠠᠯ ᠢ ᠭᠤᠤᠯᠯᠠᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ ᠃ ᠡᠨᠡ ᠬᠤᠶᠠᠷ ᠬᠤᠭᠤᠴᠠᠭᠠᠨ ᠳ᠋ᠤ ᠨᠡᠶᠢᠲᠡ ᠬᠣᠶᠠᠷ ᠵᠣᠬᠢᠶᠠᠯ ᠨᠡᠶᠢᠲᠡᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ《 ᠠᠷᠤ ᠮᠣᠩᠭᠣᠯ ᠤᠨ ᠪᠠᠶᠢᠳᠠᠯ ᠤᠨ ᠲᠤᠬᠠᠢ ᠡᠬᠢᠯᠡᠯᠲᠡ  ᠶ᠋ᠢᠨ ᠦᠭᠡ 》ᠳᠤᠮᠳᠠ ᠂ ᠡᠩ ᠲᠡᠷᠢᠭᠦᠨ  ᠳ᠋ᠤ ᠬᠤᠪᠢᠰᠬᠠᠯ ᠢᠯᠠᠯᠲᠠ ᠣᠯᠤᠭᠰᠠᠨ ᠤ ᠳᠠᠷᠠᠭ᠎ᠠ ᠠᠷᠤ ᠮᠣᠩᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠡᠵᠡᠨ ᠰᠠᠭᠤᠵᠤ ᠡᠷᠬᠡ ᠮᠡᠳᠡᠭᠰᠡᠨ ᠪᠠᠶᠢᠳᠠᠯ ᠢ《 ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠂ ᠸᠠᠩ ᠭᠦᠩ ᠬᠢᠭᠡᠳ ᠬᠠᠷᠢ  ᠶ᠋ᠢᠨ ᠳᠠᠷᠤᠯᠠᠯ 》 ᠢ ᠠᠮᠰᠠᠵᠦ ᠵᠤᠪᠠᠯᠠᠩ ᠵᠦᠳᠡᠭᠦᠷᠢ ᠶ᠋ᠢᠨ ᠳᠤᠮᠳᠠ ᠤᠷᠤᠰᠢᠵᠦ ᠪᠠᠶᠢᠭ᠎ᠠ ᠦᠪᠦᠷ ᠮᠤᠩᠭᠤᠯ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠪᠠᠷ ᠳᠠᠮᠵᠢᠨ《 ᠡᠭᠦᠨ  ᠳᠣᠲᠣᠷ᠎ᠠ ᠭᠦᠨ ᠮᠡᠷᠭᠡᠨ ᠶᠣᠰᠣ ᠭᠡᠵᠦ ᠪᠠᠶᠢᠬᠤ ᠦᠭᠡᠢ ᠁ ᠥᠪᠥᠷ ᠮᠣᠩᠭᠣᠯ  ᠤᠨ ᠠᠷᠠᠳ ᠲᠦᠮᠡᠨ ᠵᠣᠪᠠᠯᠠᠩ ᠠᠮᠰᠠᠵᠦ ᠪᠠᠶᠢᠭ᠎ᠠ ᠨᠢ ᠥᠪᠥᠷ ᠮᠣᠩᠭᠣᠯ  ᠤᠨ ᠠᠷᠠᠳ ᠲᠦᠮᠡᠨ  ᠤ ᠬᠤᠪᠢ ᠵᠠᠶᠠᠭ᠎ᠠ ᠮᠠᠭᠤ ᠭᠡᠰᠡᠨ ᠶᠠᠪᠤᠳᠠᠯ ᠪᠢᠰᠢ᠃ ᠠᠷᠤ ᠮᠣᠩᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠵᠢᠷᠭᠠᠯ ᠡᠳ᠋ᠯᠡᠵᠦ ᠪᠠᠶᠢᠭ᠎ᠠ ᠨᠢ ᠪᠤᠷᠬᠠᠨ ᠲᠩᠷᠢ ᠶ᠋ᠢᠨ ᠶᠠᠮᠠᠷ ᠨᠢᠭᠡᠨ ᠰᠠᠬᠢᠭᠤᠯᠰᠤᠨ ᠪᠤᠶᠤ ᠸᠠᠩ ᠨᠣᠶᠠᠨ ᠡᠴᠠ ᠲᠡᠳᠡᠨ ᠳ᠋ᠦ ᠰᠤᠶᠤᠷᠬᠠᠭᠰᠠᠨ ᠶᠠᠪᠤᠳᠠᠯ ᠤᠭᠲᠤ ᠪᠢᠰᠢ 》 ᠬᠡᠮᠡᠨ ᠵᠢᠭᠠᠨ ᠭᠠᠷᠭᠠᠵᠠᠢ ᠃《 ᠠᠷᠤ ᠮᠣᠩᠭᠣᠯ  ᠤᠨ ᠪᠠᠶᠢᠳᠠᠯ 》 ᠬᠡᠳᠡᠭ ᠵᠣᠬᠢᠶᠠᠯ ᠳ᠋ᠠᠭᠠᠨ ᠥᠩᠭᠡᠷᠡᠭᠰᠡᠨ  ᠳ᠋ᠦ ᠠᠷᠤ ᠮᠤᠩᠭᠤᠯ ᠨᠢ ᠥᠪᠥᠷ ᠮᠣᠩᠭᠣᠯ  ᠲᠠᠢ ᠠᠳᠠᠯᠢᠬᠠᠨ ᠠᠬᠤᠢ ᠤᠷᠴᠢᠨ ᠳ᠋ᠤ ᠪᠠᠶᠢᠵᠦ ᠂ ᠸᠠᠩ ᠭᠦᠩ  ᠤᠨ ᠳᠠᠷᠤᠯᠠᠯ ᠂ ᠳᠤᠮᠳᠠᠳᠤ ᠤᠯᠤᠰ  ᠤᠨ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ  ᠤ ᠳᠠᠷᠤᠯᠠᠯ ᠶ᠋ᠢ ᠠᠮᠰᠠᠵᠤ ᠪᠠᠶᠢᠵᠠᠢ ᠃ ᠲᠡᠷᠡᠴᠢᠯᠡᠨ ᠬᠤᠵᠢᠮ ᠨᠢ ᠤᠷᠤᠰ ᠤᠨ ᠴᠠᠭᠠᠨᠲᠠᠨ ᠤ ᠳᠠᠷᠤᠯᠠᠯ  ᠢ ᠠᠮᠰᠠᠵᠤ ᠂ ᠠᠷᠤ ᠮᠣᠩᠭᠣᠯ ᠤᠨ ᠬᠡᠳᠦᠨ ᠵᠤᠷᠢᠭᠲᠤ ᠪᠠᠭᠠᠲᠤᠷ ᠡᠴᠠ ᠰᠦᠸᠡᠶᠢᠲ ᠤᠷᠤᠰ ᠲᠤ ᠬᠦᠷᠦᠨ ᠠᠪᠤᠷᠠᠯ ᠬᠦᠰᠡᠭᠰᠡᠨ ᠦ ᠳ᠋ᠦᠩ ᠳ᠋ᠦ ᠰᠦᠸᠡᠶᠢᠲ ᠤᠷᠤᠰ ᠡᠴᠡ ᠲᠡᠳᠡᠨ ᠦ ᠭᠤᠶᠤᠴᠢᠯᠠᠯ  ᠢ ᠵᠦᠪᠰᠢᠶᠡᠷᠡᠨ᠂ ᠴᠡᠷᠢᠭ ᠭᠠᠷᠭᠠᠨ ᠴᠠᠭᠠᠨᠲᠠᠨ ᠤ ᠴᠡᠷᠢᠭ  ᠢ ᠲᠦᠪᠰᠢᠳᠬᠡᠨ᠂ ᠮᠣᠩᠭᠣᠯ  ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠶ᠋ᠢ ᠬᠠᠪᠰᠤᠷᠤᠨ ᠸᠠᠩ ᠭᠦᠩ ᠢ ᠲᠦᠯᠬᠢᠨ ᠤᠨᠠᠭᠠᠵᠦ ᠂ ᠨᠢᠭᠡᠨ ᠪᠡᠶ᠎ᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠵᠠᠰᠠᠭ ᠤᠨ ᠤᠷᠳᠤᠨ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨ᠎ᠠ ᠃ ᠡᠨᠡ ᠪᠣᠯ ᠳᠠᠷᠤᠶ ᠬᠠᠷᠢᠭᠤᠯᠲᠠ ᠃ ᠥᠪᠥᠷ ᠮᠣᠩᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠴᠦ ᠮᠦᠨ ᠴᠡᠷᠢᠭ  ᠤᠨ ᠡᠷᠬᠡᠲᠡᠨ ᠂ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢᠢᠳᠡᠨ ᠬᠢᠭᠡᠳ ᠸᠠᠩ ᠭᠦᠩ ᠢ ᠲᠦᠯᠬᠢᠨ ᠤᠨᠠᠭᠠᠨ ᠂ ᠡᠨᠡᠬᠦ ᠡᠨᠡ ᠵᠠᠮ ᠢᠶᠠᠷ ᠶᠠᠪᠤᠬᠤ ᠬᠡᠷᠡᠭᠲᠡᠶ ᠃